Te Anau-Gore 6.10.11/Gore-Dunedin 7.10.11

Mir hei hüt am Morgä zerscht mau ä Touristätour mitgmacht u hei feschtgstellt, dass das definitiv nüt für üs isch! (Durchschnittsalter 50+). Mir si mitem Bös 2,5 Stund bis Milford Sound gfahrä.

Mirror Lakes

Zwüschin ischmä bidä Touristäattraktionä usgschtigä, het äs föteli gmacht u isch wider witter gfahrä :-) Lengscht Walk 15 min.!!! Ei Stopp sid Mirror Lakes gsi, di heinis no gfauä, unä frächä Kea heimer ono gse :-)

Kea

Womer du dürnä eispurigä Tunnel gfahrä si, het dr Chauffeur öpä ä viertelstund über das "Wältwunder" Tunnel gred, wöu Tunnlä schints hiä in Neuseeland süsch nid z gä :-) Mir hei no müässä hoffä das eim kes Auto entgägä chunt, Amplä kennäsi dert ussä ou no nid :-)

Milford Sounds

Womer du äntli si acho, simer ufnäs Boot wonis bis usä ufz Meer gfahrä het. Mir hei i denä 2 Stund no 2 Duschinä unterdä Wasserfäll gno u sisch geng wi chelter wordä :-) Ha no ghoffet dasmer wenigschten dert äs paar Delfinä gse, aber mir si wider mau nur dä Seehünd begägnet.

Z'Wätter isch super gsi, aber i hamer chli öpis anders unter denä Sounds vorgstellt :-)

Retour simer du ou wider mitem Bös, ou wemä no mitem Flüger oder äm Heli zrüg hät chöna.

Womer öpä am 4i wider si zrüg gsi, heimer z Auto gno u si no witer richtig Dunedin gfahrä. Mir si no bis Gore cho u hei dert ä neui "experience" gmacht :-) Mir heinis sozägä säuber im Backpackers iquartiert, wöu eifach niämer isch umä gsi :-)

Am Fritimorgä simer uf Dunedin gfahrä u d'Sara het di Grossstadt(100'000 E.) gut gmeischteret mitem Auto :-) Aber mir hei scho dr erscht Parkbuess kassiert, wöumer ufämä gälbä statt ufämä wissä Parkplaz hei parkiert! :-/  Nachäm 2. Grossichouf simer uf di Halbinsel Otago Peninsula u si chli planlos im züg umä gfahrä, wöumer hei müässä Zit düräbringä bis am 4i :-)

Sandfly Beach

Denn heimer üs umä mau uf d'Suechi gmacht nach Pinguinä, di söttä den am Sandfly Beach a land cho. Leider isch ou bis am 5i no ke Pinguin uftoucht, u mir hei widermau nur Seerobbä gse :-)

Am Abä simer no z Dunedin inäs Pub u hei dr Abä la usklingä :-)

Dunedin