Great Ocean Road 20.12.11-23.12.11

S isch wider früä losgangä u mir si zersch mau äs rächts Stück gfahrä bis i Grampiens NP. Dert simer ufänä "Bärg" ( ömu für australischi Verhältniss :-) ) gloffä womer ä super Ussicht hei ga :-)

Nachem Abstig simer no churz zumä Wasserfall glofä bevormer när zu üserä super Unterkunft si gfahrä. Dä Ort isch bekannt gsi das am Abä d Känguru iz Dorf inä chömä drum si d Marianne u ig no ufd Suächi nach denä :-) Mir heisä voräm Tennisplatz gfungä, sogar mitämä Jungä :-)

Am nächschtä Morgä simer am 7ni scho ga wanderä umä uf sonä australischä "Bärg" :-) D Ussicht het dismau nid chönnä mithaltä aber drfür heimer umä mau chli sport gmacht :-)

När simer äs ziemlächs Stück gfahrä bismer de uf di würklächi Great Ocean Road si cho.

12 Apostlä

Mir si scho mau zudä 12 Apostlä gfahrä u wemä het wöuä hätmä dert chönnä ga ä Heliflug machä, so öpis touristisches wi dert hani auso scho lang nüm gse, das isch äuä wi bi üs d Jungfrau! :-) Mir si zrüg ga Znachtässä u si när nomau usä gfahrä fürä Sunnäuntergang. äntli heimernä ou mau gse :-)

Dr letscht Tag isch nid so interessant gsi wöumer meh oder weniger nur Fotostops hei gmacht :-( Mir si no churz so dürnä Rägäwald gloffä u süsch heimer nid viu gmacht aus immer wider irgendwelchi Stränd gfötelät :-) Üs het diä Tour nid so gfauä wi di letschti, aber mit derä mitzhaltä isch haut schwirig gsi :-)

Outbacktour 14.12.11-18.12.11

Am Morgä simer am haubi 7ni abgholt wordä u si richtig Kings Cannyon gfahrä. Isch ä relativ längi fahrt gsi aber nachem Mittag simer när mau acho.

Kings Cannyon

Mir hei öpis gässä u si när ufä Cannyonwalk, so 4 Stund loufä bi denä Themperaturä hänkt auso schono a :-) Aber zum Glück hets ir Helfti mau äs Wasserloch gä womer hei chönnä ga badä :-) Womer si zrügcho, heimer äs Füürli gmacht und znacht kochet, när heimer dr ganz Abä umz Lagerfüür verbracht u hei chli versuächt Digeridoo z spilä :-) Womer si ga schlafä isch scho chli äs komisches Gfüähl gsi, imä Land wo so viu giftigi Schlangä und Spinnelä het, eifach nur so im Schlafsack dussä z schlafä, aber isch nur am Afang gsi, när isch gangä :-)

Am nächschtä Morgä isch wider ä längi Fahrt bis zum Ayers Rock Camp agstangä. Nachäm Zmittag simer du wider ga loufä, dismau zudä Olgas (Kata Tjuta), dert isches no viu heisser gsi u i hät niä dänkt dasmä i so churzer Zit soviu Wasser cha trinkä :-)

Kata Tjuta

Womer zrüg zum Camp gfahrä si für ga dr Sunnäuntergang am Uluru z luägä, hets afa rägnä und gwitterä. Mir si glich mit öpis z trinkä und chli Chips ufä Ussichtspunkt u hei dert äs gmüätlächs Apero ga :-)

Eigentli Apero bi Sunnäuntergang :-)

Womer am nächschtä Tag am morgä am 4i si ufgstangä fürä Sunnäufgang hets immer no grägnet u das isch du ou wider nüt wordä.

Uluru

Mir hei irgendwo bim Uluru zmorgä gässä u hei när dr Malawalk gmacht. Wos isch drum gangä dr Basewalk zmachä wo umä ganz Uluru geit, hei natürli di meischtä nüm wöuä ga wöus grägnet het.

Diä wo drumum si :-)

Mir hei när aber gseit mir wöui glich ga u si schlussäntli öpä z 7 gsi wo glich si gangä während di anderä 3 Stund im Bös gwartet hei :-) Mir hei ömu ä riesä Spass ga, s louft schliässli nid jedä im Wasser umä Uluru :-)

Wär louft scho so umä Uluru umä :-)

üsi Gruppä :-)

Dr Räscht vom Tag heimer mit fahrä verbracht u si nach 8 Stund in Coober Pedy acho. Dert hets no Pizza vom Kurier gä und ä Geburiturtä, de heimer dr ganz Abä chli Geburi gfiiret.

Coober Pedy isch sonäs Opalminä Dorf wo 70% vor Bevölkerig unterirdisch wohnä. Mir si am Morgä ga sones Huus aluägä und id Minä abä glofä bevormer säuber ufd Suächi nach Opalä si. Di meischtä hei gloub ou öpis gfungä und mitgno...wider so Steinä im Gepäk! :-/ Nacherä churzä Stadtrundfahrt, isch ja schliässli ou nid so gross :-), simer wider äs ziemlächs Stück ufd Flinders Range gfahrä. Dert heimer nomau Geburi gfiret (no immer nid dr letscht uf derä Tour :-) ) u i ha när ufem Dach vom Trailer übernachtet mit super Stärnähimmel u natürli gschützt vor denä Schlangä :-)

Mis Bettlli für ei Nacht :-)

Sunnäufgang vom Trailer us :-)

Nachem Zmorgä simer no z letscht mau ga loufä. Mir si inä Schlucht vor Flindersrange u nacherä churzä Fahrt mitem Bus simer ga Wii degustierä :-) Bevormer uf Adelaide inä si hets no viu chlineri Stops gä, eifach nur zum Fötälä :-) Da ja wider ä Geburi agstangä isch, simer am Abä no aui zämä ga chinesisch ässä u hei dr Abä irä Bar la usklingä.

Sydney 8.12.11-12.12.11

Mir si am am Donschtig hiä in Sydney acho u hei no z'letscht mau ufemä Camping übernachtet u vorauem heimer dr halb Tag Sachä zämäpackt :-)

Am Friti simer när am Morgä los u zmitz id Stadt inä gfahrä, u i ha mis Ziel erreicht u bi über d Harbour Bridge gfahrä :-)

Hmmm... was isch äch das fürnä Spur??? :-) Irgendwiä si dert nur Taxi gfahrä :-)



D Marianne liebt Chartäläsä :-)



Mir si när ga Auto putzä u tankä, bevormers öpä am 2 hei wöuä abgä. Da di liäbä Lüt aber nid gnau hei chönä agä womer das Auto müässä abgä, simer nur vorämä Showroom gschtangä u si üses Auto nid los wordä :-) Wieder a Flughafä müässimer hets gheissä, auso simer im Firabäverchehr wieder zmitz ussder Innästadt usägfahrä u sis dert ga abgä. Womer du äntli zrüg ir Stadt si gsi u üses Zimmer bezogä hei, heimer no mit öperäm abgmacht ga. Si hetnis no chli umägfüärt u när simer am Abä no miterä ga Nepalesisch ässä.



Sydney Harbour bi Sunnäuntergang



Da mir üsi weichä Bett so gnossä hei simer am nächschtä morgä chli später los aus süsch :-D Mir si chli dürd Lädä u heinis d Zit ir Innästadt chli vertribä. Am Abä simer i sonä legendärä Partybus, das gits hiä überau, aber mir si üs dert eifach völlig fähl am Platz vorcho :-D I bi ömu froh gsi womer umä si zrügg gsi!

Dr nächscht Morgä heimer natürli wider verschlafä, was aber nid witer schlimm isch gsi, wöus gschiffet het wi us chüblä. Mir si aber glich no chli a di früschi Luft u si nomau zum Operähus u iz the Rock Quartier. Gägä Abä simer när umä mau i Chino ga New Years Eve luägä, dr erscht Film in Australiä wo guät isch gsi :-)

Operähuus

Nacherä Nacht mit weni Schlaf (dank so rücksichtsvollä Franzosä, wo bis am 2 oder so hei Party ga im Zimmer) het dr Tag mit Teigwahrä chochä agfangä, wöumer no aus hei müässä usässä womer no hei ga :-) Isch ja schliässli dr letscht Tag ar Ostküstä u mir flügä witer nach Alice Springs :-) Mir hei üses Gepäck deponiert u si trotz Rägä no a berüämt Bondi Beach u hei dert chli d Zit ar Watherfront verbracht.

Bondi Beach

Nachdäm mir üses Gepäck si ga holä im Hostel heimeris ufä Wäg a Flughafä gmacht, womer widermau ä Nacht verbracht hei.

Mini 2 Highlight in Australiä :-)

<3

Hmmm... mini Highlights :-) ... ganz klar z Ritä am Strand :-) Mir si zersch dürä Busch richtig Strand grittä u hei ufem Wäg ganz viu Kängeru gse :-) Aber i hami natürli viu meh ufä Strand gfröit, u womer dert si acho hanis so richtig gnossä a däm einsamä Strand eifach Kilometerwit chli z galoppierä :-) ganz günschtig isch dä Spass zwar nid gsi aber äs hetsäch definitiv glohnt u mi macht ja das schliässli nid au Tag :-)

Mis zwöitä Highlight isch gad geschter gsi :-) Mir si chum Byron Bay acho simer scho ga Hangglide :-) Eigentli heimer ja wöuä ga Paraglidä aber das heisi hiä irgendwiä nid wöuä kennä :-) Mir heinis när churz Umentschlossä u si haut ga Hangglidä, mau öpis neus :-) Mir heigä hüt schins super Wind so dasi vomä anderä Ort us chöi startä aus süsch aubä :-) Mir si mit üsnä 2 Guides zum Lighthouse vo Byron Bay gfahrä u i bi dert aus erschts gschtartet.

D' Marianne het no chli müässä wartä u het i derä Zit chli Fötäli gmacht. Isch super gsi dert obä u dr Start und d Landig chli cooler aus bim Paraglidä :-) Aber ziemli unbequem wemä so ir Luft "ligt" :-) Nachdäm mir glandet si heimer när gwächslet ud Marianne isch gflogä.

Ussicht uf Byron Bay

Unterwägs in Australie

... So iz wirds äntli umä mau Zit fürnä Itrag :-) Mir si hiä mit üsem Auto geng chli ar Küschtä nah unterwägs. Iz chamä äntli ou widermau gfahrlos im Meer badä, vorhär heimers immer nur chönä aluägä  :-) So speziell zum aluägä gits nid viu, einisch simer no ga Tundereggs suächä u hei ou chli öpis gfungä.



Chli am umäblödälä :-D



Womer afangs letscht Wuchä si z Airlie Beach gsi, heimer müässä feschtstellä dasmä hiä trotz Näbäsaison söt d Sachä vorbuächä :-) Mir hei am Mänti nüm anders übercho aus ä Tagestour am Mittwuch für ufd Whitsundays. U das trotz öpä 100 Boot wo au Tag usäfahrä!!! Am Zischti heimer am Morgä arä Kanutour mitgmacht u si uf di chlinerä Inseli padlät, wobi mir zwöi niänä hei nachä mögä :-) Di hei ä Zug druf ga! :-) Aber isch no ganz schön gsi u dr Muskelkater isch ou usblibä

:-)

Whiteheaven  Beach, Whitsunday

Am Mittwuch simer när mit däm Ausflugsboot uf d Whitsunday Island gfahrä, het mega schöni Stränd ga nur leider überfüllt mit Touristä!!!

U wi gseit süsch gits nid viu interessants z verzellä, si eifach geng chli a denä Stränd am nüt machä :-)



Mit Meerblick und äntli chamä ou badä :-)



Cape Tribulation 10.11.11/11.11.11

Mir si ufem Wäg iz Cape Tribulation birä Krokodilfarm verbi, z Gäld hetsäch aber widermau nid glohnt :-)

Das hiä sooo heiss isch (sogar mir scho fasch z heiss! :-) ) heimer nachäm z Mittag äs erfrüschends Bad idä Boulders gno u si när witer richtig Cape gfahrä.

Nachärä Flussquerig uferä "Fährä" simer äntli dert obä acho. Isch nid würkli äs Cape gsi, sondern eifach ä Strand, widermau mit Krokodil, so dasmä nid het chönä badä.

Cape Tribulation

Mir hei bevormer ufä Nationalparkcampingplatz hei chönä no irgendwiä di Bewilligung müässä iholä, wasech aus ziemli schwirig het usägstellt! Womer diä aber äntli hei ga heimer mau uäsi Campingusrüschtig teschtet u feschtgstellt dases einigi Màngel het. U när isch d Diskusion losgangä wär mit mir im Zäut muäss schlafä, wöu irgendwiä heisi chli angscht ga vordä Krokodil wos dert söu ha :-) Aber d Maria isch du schlussäntli di muätigschti gsi :-)

Am Nächschtä Morgä simer nomau az Cape u zum Lookout glofä bevormer widermau ä abchüälig hei brucht :-) Mir si imä Fluss uferä Farm oder so gsi ga badä, super schön und einsam :-)

üsä Privatpool :-)

Bim zMittag am Strand si aui igschlafä u drum simer när uf diräktem Wäg zrüg uf Cairns, wöus du när doch scho chli spät isch gsi :-) Mir hei dr Alex usgladä u si nomau bim Vermiätigsstation verbi, bevormer richtig Südä witergfahrä si. D Maria chunt iz no mitnis bis uf Townsvill. Mir hei ufemä free Camping übernachtet, u ä gmüätlächä Abä verbracht.

Great Barrier Reef 8.11.11/9.11.11

Mir heinis am Zitschti Morgä uf üsi 2 Tägigi Schnorcheltour gmacht. Womer ufem Schiff si acho hets scho mau grägnet wi us Chüblä, aber chum simer chli ufem Meer us gsi isch z schönschtä Wätter gsi.

üses Boot

 Nach öpä 2 Stund fahrt heimer scho z erscht mau iz Wasser chönä, aber bi chli enttüscht gsi vodä Farbä, ha geng gmeint z Great Barrier sigi so schön farbig. Nachäm z Mittag simer nomau amä anderä Ort hi u dr 3. Touchgang het "Shark search" gheissä, mir hei gmeint das sigi eifach für di Tafälä chli interessanter z gstaltä u si nichtsahnend iz Wasser.

Shark search!!!

Womer ufem wäg zrüg zum Boot si gsi heimernä ufzmau gse!!! ... u so noch!!! :-) Dä Wäg zrüg ufz Boot ischmer winä Ewigkeit vorcho :-D Aber im Nachhinein bini froh heimer einä gse :-)

Abästimmig ufem Boot

 Dr Abä isch de no rächt gmüätläch gsi u d'Toucher si no ä Nachttouchgang ga machä, bi froh gsi hani den nüm dri müässä :-)

Am nächschtä Morgä simer scho am haubi 8i umä zerscht mau im Wasser gsi bevors z Morgä het gä. Dr letscht Tochgang isch du vodä Farbä här dr schönscht gsi, aber haut immer no nid so winimer das vorgstellt ha. Zrüg a Land simer üses Mietauto fürä nächscht Monet ga abholä bevormer no mitem Alex i Usgang si.

Morn geits de mitem Alex und eirä womer ufem Boot hei lerä kennä zum Cape Tribulation.

Neuseeland/Australie 2.11-5.11

So wird umä mau Zit fürnä Itrag, obwous im Momänt nid so viu z schribä git.
Di letschtä 2 Täg z Auckland hani nid viu speziells gamcht, bi no di letschtä Souvenier ga choufä u arä Post nachägsecklet fürnäs Päckli heizschickä. Isch haut scho chli äs umgwanä wemä ufzmau kes Auto me het womä eifach schnäu irgendwo hi cha fahrä :-) Bi eifach chli ir Innästadt und ar Waterfront umä gsi, eigentli dert wo di letschtä 2 mau ou scho :-)
D'Nacht vorem Flug uf Cairns hani am Flughafä verbracht und ha us längwili derfür umä mau chli änglisch glehrt, fürd Zit düräzbringä :-)

Woni am Friti Morgä z Cairns bi acho hani am Flughafä ä Kanadierä lerä kennä (lerä d'Lüt irgendwiä geng nur am Flughafä kennä :-) ) u när heimer zämä dr ganz Tag chli z Cairns ir Lagunä verbracht, leider chamä im momänt nid iz Meer ga badä :-( Cairns isch sonä richtigi "Sunnästadt", hiä spiltsäch z Läbä dussä statt u sisch immer überau chli Musig oder de louft süsch irgendöpis.
Am Mänti hanimi no mitem Alexander troffä, är het denn mau uf mis Globetrotterinserat gschribä, und am Abä isch ja du d'Marianne acho. Iz müässämer de mau luägä wasmer di nächschtä Täg so machä.

Northland 30.10-1.11 Paihia-Cape Reinga-Paihia-Auckland

Am morgä am 10 isch mi Bös vo Whangarei witer nach Paihia gfahrä.

Whangareifalls

Womer dert nachäm Mittag si acho bini mit eirä wo ou im bös isch gsi chli ga Kajak fahrä ir Bay of Island. Mir si vo Inslä zu Inslä padlet bises het afa rägnä. Dr Räscht vom Tag bini no chli im Dörfli umägloffä und ha mis änglischä Buäch chli witergläsä (Sara bi imfau scho i Kapitel 8 aglang :-) )

Abästimmig in Paihia

Im Magic Bus hetmä dr Cape Reinga Trip chönä drzuä lösä u drum bini hüt am morgä am 7ni gstartet richtig 90-mile Beach.

90-Mile Beach

 

I ha genau dä Tag troffä wo heikel isch miter Ebbe u drum heimer genau pünktläch müässä abfahrä, so das sogar teil Lüt dr Bös verpasst hei! Mir si ar 90-Mile Beach nah ufä richtig Cape Reinga gfahrä u hei am Schluss no ufdä Dünä d'Sandborads fürägno :-)

Sandboarden

Het mega gfägt, mau abgse drvo dasi wahrschinli morn Muskelkater ha vom uf Dünä loufä u das dr Sand eifach überau glandet isch :-)

Cape Reinga

Cape Reinga sälber isch schlön gsi aber nid so speziell, haut sehr touristisch. Ufem Rückwäg simer no im Kauriforest gsi und im Kauri Kingdom (sonä risigi Kauriusstellig)

u no äs Fötäli äxtra für d'Sara :-) (Si si würkli nid sooo gross! :-) )

Hüt isch sonä richtigä Bös Tag gsi u i bi eigentli vom morgä bis am Abä nur im Bös ghocket für umä zrüg uf Auckland z fahrä.