Sailing Weekend Abel Tasman 23./24./25. September

üses Schiff

Am Friti am Namittag hei mir üs aui z Nelson im Hafä troffä. Mir si ufänä Katamaran gschickt wordä wo üsä Käpten scho uf üs gwartet het. I gloub am Afang si aui 12 Lüt chli skeptisch gsi ob mir würkli aui uf däm Schiff unterchömä :-) Nachder Bettzuäteilig heimer du gwüsst wiso das dä so viu cha mitnä :-) Mir hei z 3. imänä Doppelbett gschlafä. I ha sicher scho besser gschlafä aber so schlimm isches am Schluss gar nid gsi :-D

Mir si am Friti no bis inä Bucht vom Abel Tasman NP gsäglet, u i gloub am eintä oder anderä isches scho chli komisch wordä, wöu d Wällä si nid gad chli gsi :-) Aber üsä Käpten het eifach aui ufz Deck gschickt ga "Surfe" :-D Das het so luschtig usgse, das am Schluss aui chli am "Surfä" si gsi. Am erschtä Abä simer no bechocht wordä u heis so richtig chönä gniessä. Das hiä ja immer no nid so warm isch, hetsnis aui ziemli gli mau inä zogä, u mir hei dr ganz Abä chli UNO gspielt.(mi spielt auso überau mit UNO-chartä aber überau chli mit anderä Reglä)

super Gruppä gsi

Am Samschti Morgä heimer äs Super z Morgä ga u si när witer zurä Inslä womer hei Seehünd gse.

Üsä Käpten het üs dürä Tag geng chli a verschidnigä Stränd abgsetzt, aber das ja z chalt isch gsi zum Badä hetmä dert gar nid so viu chönä machä, drfür hani usägfundä das d'Japaner aui ou gärn "Gumpiföteli" machä :-D  So heimernis du d Zit chli vertribä :-D

am umäblödälä :-)

Gägä Abä heimer du doch no chli chönä ganä chlini Buschwanderig machä (Bark Bay-Torrent Bay).
Womer si zrügg cho heimer dismau säuber afa chochä, u dr Abä isch ou umä mit UNO verbracht wordä.

Am Sunnti am Morgä bini äxtra früä uf dasi dr Sunneufgang gse, aber äs het so viu Wulchä ga, dasi für nüt us mim warmä Bettli usä bi :-(  Nachäm Zmorgä hets früäsport gä u mir si nomau ufänä churzä Track. Womer si zrügg cho heimer doch äntli mau ä Bucht ga wos nid so gluftet het us gad sofort chli wermer isch gsi. D Mannä hei ufzmau wöuä ga badä u wini bi hani gseit i chömi ou :-D Ufzmau hets doch no di einti oder anderi ga wo ou het wöuä mitmachä, und ufzmau simer ä ganzi Gruppä gsi wo churz isch im Wasser gsi :-)

Di hertä wo si ga badä :-)

<3

Mir sinis umä warm ga alegä u hei öpis gässä bevormer de umä ca. 3,5 Stund si zrügg uf Nelson gsäglet.

Rugby World Cup Italy vs. Russia

Am Zischti isch z erschtä Rugbygame wom World Cup gsi wo z Nelson het stattgfundä! A däm Tag hetsäch z Nelson vom Morgä bis am Abä eifach alles umz Rugby dräit.

Haka vom Boys-College

Am Mittag het z Boys-College ä Haka ufgfüärt ir Stadt. Äs isch haut scho öpis anders ob das di Rugbyspieler machä oder äs paar Jungs im Alter vo 12-16 jährig :-) Isch nid so angschtiflössend gsi wi ä Kriegstanz eigentli söt si :-)
Am Namittag hets när imänä Park sonä Art Replay vom erschtä Rugby-Spiel überhoupt gä. Das het denzumal ou z Nelson stattgfundä, u drum heisi das hiä iz nachä gspielt. Nach altä Reglä, rundä Ball und idä altä Chleider.
D Sara u Ig hei das Spiel eigentli imä Pub wöuä ga luägä u äs paar vor Schuel sis live ga luägä. Mir hei üs aui am Abä ir Schuel troffä u hei no chli öpis gässä u chli Wii trunkä. Diä wo z Spiel live si ga luägä heisäch natürli no chli agmalä :-D  Da di Italiänischi Manschaft z Nelson unterbracht isch, si natürli a däm Abä mau aui für d Italiäner gsi :-)

Umzug zum Stadion mitä Italiäner

Mir si när a däm Abä am Apero no ganz spontan zu Freibilliet cho :-)
Auso hei mir üs ono schnäu äs paar Italiäfändli ufd Backä gmalä u si mitäm Umzug bis iz Stadion glofä.
Isch super gsi dä abä, aber wöu mir nid si druf vorbereitet si gsi ischs haut chliiii chalt gsi :-D

Golden Bay Weekend 16./17./18. September 2011

D'Sara u Ig hei für das Wuchäänd üses erschtä Auto gmietet u si am Friti nachder Schuel losgfahrä richtig Golden Bay. Das isch eigentli ä Gägend wo im Summer sehr touristisch isch, aber da hiä no Wintersaison isch hei mir eigentli aus für üs allei ga :-)

D Fahrt fürt zersch mau übernä "Pass" bis ad Küschtä. Wöu mir ersch am Friti Mittag losgfahrä si heimer vor Bucht no nid so viu gse ga. Mir hei äs originells Backpackers gfundä u hei am Abä ider "Dorfbeiz" no z Rugby game vodä All Blacks gluegt.



Farewell Spit



Farewell Spit

Am Samschti Morgä simer zum berüämtä Farewell Spit. Das isch winä längä Strand (32Km.) wo seeeehr windig isch. Dä vom Backpackers het üs am morgä no gseit mir söui vom Cape Farewell bis ad Wharariki Beach dä Cliff-walk machä.

Cape Farewell

z erscht mau üses neuä Gaschocherli usprobiert

Cliff-walk

Das isch ä super Sach gsi u äs hetsäch glohnt aber isch auso ganz schön asträngend gsi :-) zwüschinä hetmä auso fasch uf aunä vierä müässä ufächläterä :-) Drfür isch d Ussicht uf d Wharariki Beach super gsi u aui diä wo nur mitem Auto si higfahrä hei auso öpis verpasst!

Wharariki Beach

Typisch :-)

Gägä Abä simer richtig Takaka zrüggfahrä wöumer am nächschtä Tag no hei wöuä ä Abstächer i Abel Tasman Nationalpark machä.

Pupu Springs

Am Sunnti Morgä simer ziemli früäh scho unterwägs gsi u hei chli d'Morgästimmig bidä Pupu Springs gnossä. Mir hei zwar beidi chli meh erwartät ga, aber d Landschaft isch glich schön gsi :-) Da di Springs nid so wahnsinnig viu Zit hei brucht, simer relativ schnäu när witer zudä Wainui Falls.

ufem Wäg zudä Wainui Falls



Wainui Falls



Mir hei zum 2. mau a däm Wuchäänd üsi Treckingschuä fürägno u si zudä Fäll hinderä gloffä. Isch ä mega schönä Wäg gsi wo zmitz dürä Busch gfüärt het, Hängebrügg inklusive. :-) Eigentli heimer ja üsä Sunnti houptsächläch im Abel Tasman NP wöuä verbringä, auso heimer mit üsäm Mietauto di Schotterpistä i Agriff gno u si id Totaranui Bay gfahrä. Dr Strand isch zwar schön gsi mit däm ganz gälbä Sand, aber mi het dert iz eifach gad gar nüt chönä machä :-)

Totaranui Bay

Ir Awaroa Bay womer när no hi si heimer du no gmüätläch am Strand üs öpis z'Mittag kochet u si när wider zrüggfahrä. Uf derä Strecki heimer scho üsi erschtä erfahrigä mit Bachüberquerigä und Sand gmacht! :-) Aber mir hei das souverän gmeischteret :-D

Awaroa Bay

Isch äs super Wuchäänd gsi, u iz hoffämer das z nächschtä ou so wird.